Chapitre 14 : Saluts du Saint Sacrement
Pendant l'Avent
Rorate, cœli, desuper, et nubes pluant Justum. Ne irascaris, Domine : ne ultra memineris iniquitatis. Ecce civitas Sancti facta est deserta, Sion deserta facta est : Jerusalem desolata est ; domus sanctificationis tuae et gloriae tuae, ubi laudaverunt te patres nostri.
Rorate, cœli, etc.
Peccavimus, et facti sumus tanquam immundus nos et cecidimus quasi folium universi, et iniquitates nostrae quasi ventus abstulerunt nos : abscondisti faciem tuam a nobis, et allisisti nos in manu iniquitatis nostrae.
Rorate, cœli, etc.
Vide, Domine, afflictionem populi tui, et mitte quem missurus es. Emitte Agnum dominatorem terrae, de petra deserti ad montem filiae Sion, ut auferat ipse jugum captivitatis nostrae.
Rorate, cœli, etc.
Consolamini, consolamini, popule meus : cito veniet salus tua. Quare moerore consumeris ? quare innovavit te dolor ? Salvabo te, noli timere : ego enim sum Dominus Deus tuus, Sanctus Israel, Redemptor tuus.
Rorate cœli, etc.
Au temps de la Nativité
Adeste, fideles, laeti, triumphantes : Venite, venite in Bethleem. Natum videte Regem angelorum. Venite adoremus ; venite adoremus ; venite adoremus Dominum.
Æterni Parentis splendorem, En, grege relictis, humiles ad cunas vocati pastores approperant : Et nos ovanti gradu festinemus. Venite, adoremus.
Deum infantem pannis involutum, [?tibi omnes numeratum,] carne velatum sub firmanti [?ordine] : Venite, adoremus.
Stella duce, Magi Christo adorantes, aurum, thus, et myrrham dant munera : Deum infantem tectum pannis, Deum infantem cubantem, piis foveamus amplexibus. Venite, adoremus.
Pendant le Carême
Attende, Domine, et miserere, quia peccavimus tibi.
Attende, etc.
Ad te, Rex summe, omnium redemptor, oculos nostros sublevamus flentes : exaudi, Christe, supplicantum preces.
Attende, etc.
Dextera Patris, lapis angularis, via salutis, janua caelestis, ablue nostri maculata facti.
Attende, etc.
Rogamus, Deus, tuam majestatem : auribus sacris gemitus exaudi ; crimina nostra placidus indulge.
Attende, etc.
Tibi fatemur crimina admissa : contrito corde pandimus occulta ; tua, Redemptor, pietas ignoscat.
Attende, etc.
Innocens captus, nec repugnans ductus ; testibus falsis pro impiis damnatus : quos redemisti, tu conserva, Christe.
Attende, etc.
Contristati sunt sumus in exercitatione nostra, et miserere ; et a tribulatione nos; Sic nos amantem quis non redamaret ?
Attende, etc.
Sic nos Venite adoremus, etc. Sic nos amantem, etc.
Antienne « Attende Domine » (suite, avant le Carême)
Attende, Domine, sumus in exercitatione et a tribulatione nostra ; et a tribulatione peccatorum. In proximo est Dominum, quia peccavimus tibi.
Recordare, Domine, quid acciderit nobis ; Attende, etc. In proximo est moestperditio, et non est qui adjuvet : formido tribulationis nostris, tribus nostris, sanctae Dei genitrix : nostras adressons vous.
Prose en l'honneur de la Sainte Vierge, au pied de la croix (Stabat Mater)
Stabat mater dolorosa, juxta crucem lacrymosa, Dum pendebat filius.
Cujus animam gementem, contristatam et dolentem, Pertransivit gladius.
O quam tristis et afflicta fuit illa benedicta Mater unigeniti !
Quae moerebat et dolebat, et tremebat, dum videbat Nati poenas incliti.
Quis est homo qui non fleret, Matrem Christi si videret in tanto supplicio ?
Quis non posset contristari, Christi Matrem contemplari dolentem cum filio ?
Pro peccatis suae gentis, vidit Jesum in tormentis, et flagellis subditum.
Vidit suum dulcem natum moriendo desolatum, dum emisit spiritum.
Eia, Mater, fons amoris, me sentire vim doloris fac, ut tecum lugeam.
Fac ut ardeat cor meum in amando Christum Deum, ut sibi complaceam.
Sancta Mater, istud agas, crucifixi fige plagas cordi meo valide.
Tui nati vulnerati, tam dignati pro me pati, poenas mecum divide.
Fac me tecum pie flere, crucifixo condolere, donec ego vixero.
Juxta crucem tecum stare, et me tibi sociare in planctu desidero.
Virgo virginum praeclara, mihi jam non sis amara : fac me tecum plangere.
Fac ut portem Christi mortem, passionis fac consortem, et plagas recolere.
Fac me plagis vulnerari, cruce hac inebriari, ob amorem filii.
Inflammatus et accensus, per te, Virgo, sim defensus in die judicii.
Fac me cruce custodiri, morte Christi praemuniri, confoveri gratia.
Quando corpus morietur, fac ut animae donetur paradisi gloria. Amen.
Au temps pascal
O filii et filiae, Alleluia.
Rex coelestis, Rex gloriae, Morte surrexit hodie. Alleluia.
Et mane prima sabbati, ad ostium monumenti accesserunt discipuli. Alleluia.
Et Maria Magdalene, et Jacobi, et Salome, venerunt corpus ungere. Alleluia.
In albis sedens Angelus praedixit mulieribus : In Galilaea est Dominus. Alleluia.
Et Joannes Apostolus cucurrit Petro citius, monumento venit prius. Alleluia.
Discipulis astantibus, in medio stetit Christus, dicens : Pax vobis omnibus. Alleluia.
Ut intellexit Didymus quia surrexerat Jesus, remansit fide dubius. Alleluia.
Vide, Thoma, vide latus, vide pedes, vide manus, noli esse incredulus. Alleluia.
Quando Thomas vidit Christum, pedes, manus, latus suum, dixit : Tu es Deus meus. Alleluia.
Beati qui non viderunt, et firmiter crediderunt, vitam aeternam habebunt. Alleluia.
In hoc festo sanctissimo sit laus et jubilatio : benedicamus Domino. Alleluia.
De quibus nos humillimas devotas atque debitas Deo dicamus gratias. Alleluia.
Hymne (Pange lingua)
Pange, lingua, gloriosi Corporis mysterium, Sanguinisque pretiosi, Quem in mundi pretium Fructus ventris generosi Rex effudit gentium.
Nobis datus, nobis natus ex intacta Virgine, Et in mundo conversatus, sparso verbi semine, Sui moras incolatus miro clausit ordine.
In supremae nocte coenae, recumbens cum fratribus, Observata lege plene cibis in legalibus, Cibum turbae duodenae se dat suis manibus.
Verbum caro, panem verum verbo carnem efficit : Fitque sanguis Christi merum, et si sensus deficit, Ad firmandum cor sincerum sola fides sufficit.
Tantum ergo
Tantum ergo Sacramentum veneremur cernui, Et antiquum documentum novo cedat ritui : Praestet fides supplementum sensuum defectui.
Genitori, Genitoque laus et jubilatio, Salus, honor, virtus quoque sit et benedictio : Procedenti ab utroque compar sit laudatio.
℣. Panem de cœlo praestitisti eis.
℞. Omne delectamentum in se habentem. Alleluia.
Hymne (Sacris solemniis)
Sacris solemniis juncta sint gaudia, et ex praecordiis sonent praeconia ; recedant vetera, nova sint omnia, corda, voces et opera.
Noctis recolitur coena novissima, qua Christus creditur agnum et azyma dedisse fratribus, juxta legitima priscis indulta patribus.
Post Agnum typicum, expletis epulis, Corpus Dominicum datum discipulis, sic totum omnibus, quod totum singulis, ejus fatemur manibus.
Dedit fragilibus corporis ferculum, dedit et tristibus sanguinis poculum, dicens : Accipite quod trado vasculum ; omnes ex eo bibite.
Sic sacrificium istud instituit, cujus officium committi voluit solis presbyteris, quibus sic congruit, ut sumant, et dent ceteris.
Panis Angelicus fit panis hominum ; dat panis coelicus figuris terminum : O res mirabilis ! manducat Dominum pauper, servus et humilis.
Te, trina Deitas unaque, poscimus : sic nos tu visita, sicut te colimus ; per tuas semitas duc nos quo tendimus, ad lucem quam inhabitas. Amen.
Hymne (Verbum supernum prodiens)
Verbum supernum prodiens, nec Patris linquens dexteram, ad opus suum exiens, venit ad vitae vesperam.
In mortem a discipulo suis tradendus aemulis, prius in vitae ferculo se tradidit discipulis.
Quibus sub bina specie carnem dedit et sanguinem : ut duplicis substantiae totum cibaret hominem.
Se nascens dedit socium, convescens in edulium, se moriens in pretium, se regnans dat in praemium.
O salutaris hostia, quae coeli pandis ostium : bella premunt hostilia, da robur, fer auxilium.
Uni trinoque Domino sit sempiterna gloria, qui vitam sine termino nobis donet in patria. Amen.
Hymne composée par saint Thomas d'Aquin (Adoro te devote)
Adoro te devote, latens Deitas, quae sub his figuris vere latitas : tibi se cor meum totum subjicit, quia te contemplans totum deficit.
Visus, tactus, gustus in te fallitur, sed auditu solo tuto creditur : credo quidquid dixit Dei Filius ; nil hoc verbo Veritatis verius.
In cruce latebat sola Deitas, at hic latet simul et humanitas ; ambo tamen credens atque confitens, peto quod petivit latro poenitens.
Plagas, sicut Thomas, non intueor ; Deum tamen meum te confiteor : fac me tibi semper magis credere, in te spem habere, te diligere.
O memoriale mortis Domini, panis vivus, vitam praestans homini, praesta meae menti de te vivere, et te illi semper dulce sapere.
Pie pellicane, Jesu Domine, me immundum munda tuo sanguine, cujus una stilla salvum facere totum mundum quit ab omni scelere.
Jesu, quem velatum nunc aspicio, oro fiat illud quod tam sitio : ut te revelata cernens facie, visu sim beatus tuae gloriae. Amen.
Motet
Adoremus in aeternum sanctissimum Sacramentum.
Laudate Dominum, omnes gentes ; laudate eum, omnes populi. Adoremus in aeternum, etc.
Quoniam confirmata est super nos misericordia ejus, et veritas Domini manet in aeternum. Adoremus in aeternum, etc.
Gloria Patri, et Filio, et Spiritui Sancto. Adoremus in aeternum, etc.
Sicut erat in principio, et nunc, et semper, et in saecula saeculorum. Amen. Adoremus in aeternum, etc.
Autre motet
Je vous salue, ô vrai corps né de la Vierge Marie, qui avez vraiment souffert et avez été immolé pour l'homme sur la croix ; dont le côté percé d'une lance a versé du sang et de l'eau. Soyez nobis forceur (?) de consolation à l'heure de la mort.
Esto nobis praegustatum in mortis examine.
Antienne à la très sainte Vierge
Antienne à la très sainte Vierge
O Jesu dulcis ! ô Jesu pie ! O Jesu, fili Mariae ! Tu nobis miserere.
O Jésus, plein de douceur ! ô Jésus, plein de bonté ! O Jésus, Fils de Marie, faites-nous miséricorde !
Avant la Bénédiction et Oraison
Avant la Bénédiction et Oraison
℣. Panem de coelo praestitisti eis.
℞. Omne delectamentum in se habentem.
Deus, qui nobis sub Sacramento mirabili, passionis tuae memoriam reliquisti : tribue, quaesumus, ita nos Corporis et Sanguinis tui sacra mysteria venerari, ut redemptionis tuae fructum in nobis jugiter sentiamus. Qui vivis et regnas cum Deo Patre in unitate Spiritus Sancti Deus, per omnia saecula saeculorum. Amen.
Vous nous avez donné un pain venu du ciel.
Renfermant en lui toute saveur de délices.
Dieu, qui nous avez laissé dans ce Sacrement admirable et merveilleux un mémorial de votre Passion, accordez-nous, nous vous en supplions, de révérer tellement les mystères sacrés de votre Corps et de votre Sang, que nous ressentions sans cesse dans nos âmes le fruit de la rédemption que vous avez opérée. Vous qui, étant Dieu, vivez et régnez avec le Père et le Saint-Esprit dans les siècles des siècles. Ainsi soit-il.